رئيس التحرير: جمال الشناوي
متابعات

لؤي حفيد الريس حنفي الله يسمحك يا جدى !


  ممدوح الصغير
9/6/2016 8:22:39 PM

من غير ميعاد ركبت مروه القطر رايحه الاسكندريه حظها خلها تقعد جنب لؤى اللى عرفت بعد كده انه حفيد الريس حنفى صاحب عبارة تنزل المره دى
مروه ناشطة فى جمعيات نسائيه تطالب بالمساواه بين الراجل و المرأه ،
تحرك القطر .. و شافت مروه كتاب ضد المساواه فى يد لؤى اللى عرفت بعد كده انه راجع من باريس و انه ضد المساواه لانه يرى الراجل راجل .. و الست ست .. و الاسلام اعطى كل الحقوق للست .. طيب مساواة ايه اللى عاوزه المنظمات و الجمعيات .تعلمها
وقبل ان يبدأ الكلام .. خلع لؤى التظاره وقال لمروه على فكره .. انا حفيد الريس حنفى اللى ظهر فى فيلم ابن حميدو جدى شخصيه حقيقة هو السبب فى مرعة الستات .
انا الابن الاصغر لحميده بنت الريس حنفي اللى فى الفيلم تزوجت ابن حميدو .
قبل ما تموت امى حكت كثير عن جدى .. كلامها زعلنى من جدى كتير لانه راجل ملهوش كلمه .. امى قالت ياما جدك اتخانق مع جدتك و لكنها اللى كانت تغلبه كل مره وكلامها اللي بيمشي
مره يا ولدى و الكلام لامى حميده ..مرة جدك جى من بره معاه شوية جمبرى بيرقصوا احسن من سهير زكى .. نادى على حميده .. اشوى الشويه الحلوين ..
وقبل ما اقول حاضر يا ريس..
شخطت امى فى جمبرى ايه يا حنفى .. احنا هنتغدى مسقعه .. انا نفسى رايحه عليها .
البيت يبقى زى ملعب الكوره .. امى صوتها بقى زى الرجاله .. وشخطت فىه:.
النهارده نتغدى مسقعه .
شنب جدك حنفى ارتخي قال لها خلاص مسقعه بس اعملى حسابك المره دي بس .. المره الجايه كلمتى عمرها ما تنزل ابداً .
بالليل .. كلمة جدتك مشيت على كلام الريس حنفى لما حب المانجه تتشرب عصير.. قالت له المانجه حلوه حرام تبقى عصير .. نفس الخناقه .. و نفس الاصوات و النهاية جدى يقول خلاص تنزل المره دى .
قبل ما تتكلم مروه .. قال لؤى يا استاذه مع الاسف كل الازواج فى الكون اصبحوا زى حنفي .
الجمعيات النسائيه فى الكون كله .. طلبت من الستات يكونوا زى حرم الريس حنفى اصحاب راى و كلمه فى البيوت .
فى فرنسا 100 جمعيه نسائيةتطالب بالمساواه ..
وانا مره كنت راكب المترو فى باريس .. و لمحت صورة صورة الريس حنفى .. فى كاريكاتير مكتوب عليها بالفرنسيه :
رجال العالم كلهم حنفى و فكرة الكاريكاتير تتكلم عن ان الاسر الفرنسية تاكل حسب ذوق المدام و الزوج ملهوش كلمه او رأى .
هنا دمعت عيونى بالدموع قلت الله يسامحك يا جدى !

الكلمات المتعلقة :

الريس حنفي