رئيس التحرير: جمال الشناوي
مقالات

الإيد البطالة .. نكسة


  
12/5/2018 11:00:22 AM



الإيد البطالة نكسة .. مش بس علي صاحبها ولكن على البلد كلها.
الإيد البطالة يعني إيد ما بتشتغلش وبق مفتوح بياكل وبيشرب وبيتكلم في كل حاجة وساخط على كل حاجة وغضبان من كل حاجة.
الإيد البطالة يعني طاقة معطلة وجهود مهدرة وقلب عليل ونفس حاقدة.
الإيد البطالة يعني نقص في معدلات الانتاج المطلوبة وزيادة في نسبة الاستهلاك المرفوضة.
الإيد البطالة يعني شاب فاته سن الجواز وفريسة لليأس والاحباط والكبت وبالتالي قدامه بنت عانس مضى بها قطار العمر وهي تعيش على هامش الحياة متعلقة بأمل قد لا يأتي.
الإيد البطالة يعني زبون مستديم على القهوة ومشكلة يومية في الشارع.
الإيد البطالة مش بس شباب متخرجين من الجامعة ومش لاقيين شغل .. ده كمان انضم ليهم طابور طويل من أصحاب المعاشات المبكرة اللي أصبحوا بطالة مقنعة.
الإيد البطالة لو ما اشتغلتش هاتسرق .. ولو ما شاركتش في البناء هاتشارك في هدم اللي اتبنى .. ولو ما عمرتش هاتخرب.
الإيد البطالة لو ما شالتش فاس أو مفتاح .. أكيد بكره هاتشيل سلاح.
الإيد البطالة لو ما بقتش سيف في إيد الوطن هتبقي سكين على رقبة المواطن.
الإيد البطالة لو ما بقتش جسر نعدي عليه هتبقي حفرة نقع فيها.
الإيد البطالة لو مالقيتش ليها مكان في مصانعنا ومزارعنا هتلاقي مكان بين الارهابيين والمخربين.
يا جماعة ..الايد البطالة لو ما اشتغلتش النهارده علشان مصر هاتشتغل بكره ضد مصر.
الإيد البطالة مش بس نكسة .. دي وكسة كبيرة وخيبة قوية لازم نحلها بسرعة لان مصر الجديدة اللي بنحلم بيها كلنا مفيش مكان فيها لأي كسول أو عاطل .. ومحتاجة جهود كل ابن من ابنائها ومش معقول يكون دولة 60% من سكانها شباب وبتعاني من اي مشكلة مهما كان حجمها.

الكلمات المتعلقة :